نبيل الفضل: بعض تعيينات هيئة الاستثمار مخالفة لرغبة سمو الأمير

قال النائب نبيل الفضل ان بعض التعيينات في مجلس ادارة الهيئة العامة للاستثمار مخالفة لرغبة سمو الامير وللمجلس ولن تضيف او تقدم شيئاً في عمل الهيئة .

وفصل الفضل قائلا : لما القى اسم هلال مشاري الهلال مع كل احترامي له من الناحية الاجتماعية ولكن ما هي مؤهلاته علشان يفيد في قضية الاستثمار ولا شئ كل اللي اعرفه عنه انه وزير لم ينجح في عمله ولا طول ، واحد مثل عبد المحسن المدعج كذلك رجل ما عنده اي اختصاص في موضوع الاستثمار ولن يضيف اي شئ للاستثمار تبون سالفة ترضيات ما عندي مشكلة من حق الحكومة تسوي ترضيات بس ايش معنى انتي ياحكومة وياوزير المالية تيجي وتراضي الخصوم وتراضي الناس اللي واقفين ضدك واقفين ضد رغبة صاحب السمو واقفين ضد رغبة المجلس وتيجي وتحطهم تراضيهم على شنو عطني سبب واحد ليش هادوول الاسمين موجودين في الهيئة العامة للاستثمار شنو مقوماتهم عطني ” سي في ” خليني اشوف مين فيهم اللي يفهم في الاستثمار ولا له تاريخ مشرف في عملية الاستثمار في فترة ما اقدر افهم انك انت تحطهم ترضيات اليوم تحطه ترضيات حق شنو لانه وقف ضدك وقف ضد مرسوم الصوت الواحد وقاطع المجلس لا غير مقبول هذا غير مقبول بتاتاً يعني سياسة ان احنا بس اللي نعطي حق الناس اللي تدوس علينا واللي تقف ضدنا خطرة انتم اليوم قاعدة تتجلى هذه بكل وضوح وبدون مبرر . انا حبيت اضرب الاسماء كلهم الاربعة لهم موقف سياسي لكن 2 منهم عندهم ما يبرر دخولهم في الهيئة العامة للاستثمار و 2 ما في اي سبب .
المصدر”تلفزيون الوطن”